НҮБ-ын Ерөнхий Ассамблей баасан гарагт /2026.09.04/ хуралдаж улс орнуудын газар нутгийн хэмжээг илүү үнэн зөв харуулсан дэлхийн шинэ газрын зургийг нэвтрүүлэх тогтоолыг баталлаа. Африкийн орнуудын уриалгаар НҮБ тогтоол дээр санал хураасан байна.

Африкийн холбооны гишүүн орнууд болон Бахамын арлуудын санаачилсан “Correct the Map” буюу “Газрын зургийг засъя” тогтоолыг Ерөнхий Ассамблейн 164 гишүүн дэмжиж, зургаан улс түдгэлзэж, зөвхөн АНУ эсэргүүцсэн санал өгчээ. Уг тогтоол нь дэлхийн бүс нутгуудыг, ялангуяа Африк тивийг хэмжээг илүү бодит байдлаар дүрслэн харуулах зорилготой.

Дэлхийн нийтээр түгээмэл ашигладаг газрын зургууд 1569 онд Европын газрын зураг бүтээгч Жерардус Меркаторын боловсруулсан Меркаторын проекц дээр суурилдаг. Энэхүү проекцыг далайн болон бусад навигацид өргөн ашигладаг юм.