Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв “Замын-Үүд суманд 2000 тонн дизель түлш ирсэн удахгүй нийслэлд түгээлт хийнэ. ОХУ-аас 2026 оны наймдугаар сард оруулж ирэх газрын тосны бүтээгдэхүүнийг баталгаажуулсан.

800 ам.доллар байсан АИ-92 төрлийн бүтээгдэхүүн 851 ам.доллар болж ирж байна. Үүнтэй холбогдуулан үнийн зөвлөл хуралдана. Хятад, БНСУ зэрэг бусад улсаас импортлох бүтээгдэхүүний үнийг харгалзан үзнэ. Үүнээс өмнө нөөцийг бүрдүүлж, тасалдахгүй байх тал дээр анхаарна. Цаашид шатахууны хомсдолоос урьдчилсан сэргийлэхийн тулд боловсруулах үйлдвэрээ яаралтай ашиглалтад оруулах чиглэлд анхаарч ажиллана.

Үүний зэрэгцээ 2028 онд ашиглалтад оруулах Газрын тос боловсруулах үйлдвэрээ газрын тосоор хангах ажлыг хийнэ. Мөн шатахуун нөөцлөх савны багтаамжийг нэмэгдүүлнэ. Цаашид аялал жуулчлалын улиралд шатахууныг тасалдуулахгүй байх тал дээр ажлуудыг хийж байна. Шатахууны хэрэглээ огцом нэмэгдэх болон үнэ савласан тохиолдолд шатахууны нөөц тогтвортой байлгах тал дээр анхаарч ажиллаж байна” гэсэн юм.