2026 оны наймдугаар сарын 10-13-ны өдрүүдэд Баянхонгор аймгийн Бөмбөгөр суманд "Дэлхийн малчдын чуулган 2026" зохион байгуулагдана.

Энэхүү чуулганыг AVSF Монгол ОУБ "Нүүдэлчдийн амьдрал" төслийн хүрээнд Бэлчээр ба нүүдлийн мал аж ахуй эрхлэгчдийн олон улсын жил (IYRP 2026) санаачилга, Монгол Улсын Засгийн газар, нүүдлийн малчдын байгууллагууд болон үндэсний, олон улсын түншүүдтэй хамтран хэрэгжүүлж байна.

Чуулганд 16 орны 40 орчим малчин, мөн Баянхонгор аймгийн 60 гаруй малчны төлөөлөл оролцож, бэлчээрийн тогтвортой менежмент, нүүдлийн мал аж ахуйн уламжлалт мэдлэг, туршлагаа хуваалцан, дэлхийн малчдын хамтын дуу хоолойг нэгтгэх, цаашлаад тунхаг батлах хэлэлцүүлэг өрнүүлэх юм