НҮБ-ийн цөлжилттэй тэмцэх тухай Конвенцын Талуудын 17 дугаар бага хурал өчигдөр албан ёсоор нээгдсэн. 

Өнөөдөр буюу хурлын хоёр дахь өдөр 10:00 цагаас олон нийтэд зориулсан Ногоон бүс нээлтээ хийлээ. COP17-ын Ногоон бүс нь олон нийтэд нээлттэй, оролцоонд суурилсан талбар бөгөөд иргэд, хувийн хэвшил, иргэний нийгэм, залуучууд, эрдэм шинжилгээний байгууллагуудыг нэг дор холбож, байгаль орчны шийдэл, инновац, сайн туршлага, хамтын ажиллагааг олон нийтэд хүргэх зорилготой юм.

Ногоон бүсэд ирэхдээ Үндэсний цэцэрлэгт хүрээлэнгийн зүүн хойд хаалгаар нэвтэрч СОР17 иргэдийг хүлээн авах цэгээс зориулалтын гольф карт буюу жижиг цахилгаан машинд сууж очно. 

Нээлтийн хүрээнд Морин хуурын найрал хөгжим, үндэсний дуу хөгжим, балетын уран бүтээл зэрэг соёл, урлагийн тусгай тоглолтууд толилуулах юм. 

Ногоон бүс нь наймдугаар сарын 28-ныг хүртэл иргэдэд нээлттэй үргэлжлэх бөгөөд иргэний үнэмлэхээрээ нэвтрэх боломжтой.