"Урт цагаан" төвийн барилгыг анх 2024 оны нэгдүгээр сард нурааж, 2024 оны есдүгээр сард цэцэрлэгт хүрээлэнгийн ажлыг эхлүүлсэн байдаг. Анх төлөвлөснөөр цэцэрлэгт хүрээлэнгийн ажил 2025 оны долоодугаар сарын 7- ны өдөр нээлтээ хийх байсан ч, ажил бүрэн дуусаагүй тул хойшлоод байна. 

"Урт цагаан" цэцэрлэгт хүрээлэнг 44 тэрбум төгрөгийн өртөгтэйгөөр бүтээн байгуулах ажил хийгдэж байна. Өнөөдрийн хувьд тохижилтын ажил бүрэн дуусаагүй хэдий ч, бүтээн байгуулалтын ажил 80 гаруй хувьтай үргэлжилж байна.Цэцэрлэгт  хүрээлэн нь  дугуйн зам, усан оргилуур, задгай театртай байх бөгөөд авто зогсоолыг ч далд хэлбэрээр шийдсэн байна.

Тус цэцэрлэгт хүрээлэн ашиглалтад орсноор дөрвөн блок бүхий 196 машины далд граж нь нэг чигийн хөдөлгөөнтэй, сул зогсоолын мэдээлэл авах боломжтой ухаалаг системтэй байх аж. Мөн нийт төслийн талбайн 26.5 хувийг ногоон байгууламж бүрдүүлэх юм байна. Барилгын хувьд дотроо худалдаа эрхлэх талбай, жуулчдад зориулсан мэдээллийн төв байх зураг төслөөр хийгдэж байна.