Нарантуул зах бол олон хүний хөл хөдөлгөөний газар. Тэнд өөрийн үйлдвэрлэлийг эрхэлж, амжилттай ажиллаж яваа олон аавын хүү бий.Тэдний нэг бол савхины Бямбаа гэж олноо нэрлэгдсэн Г.Бямбадорж юм.Тэрбээр 1990 онд Монголын эдийн засаг зах зээлийн нийгэмд шилжихтэй  зэрэгцэн өрхийн үйлдвэрлэлээ хайластад байх хашаандаа эхнэрийн хамтаар эхэлж байв. Тухайн үед хүүхдээ дагуулаад борлуулалт хийхээр гэрээсээ гардаг байсан бол, өдгөө өөрийн худалдан авагчдаа бүрдүүлэн  20 айл өрхийн амжиргааг залгуулдаг ажилтай болжээ. Хариуцлагатай, тууштай, өөрийн эзэмшсэн мэргэжилдээ сэтгэл хангалуун тэмцэж байвал амьдрал заавал шагнана гэж залуучууддаа захиж байв.