Цахим спортын "CS2" төрлийн тэмцээн зохион байгуулагч "BLAST"-ийн зүгээс ирэх есдүгээр сард 5-ны өдөр Английн Лондон хотноо эхлэх "BLAST Open Fall" тэмцээнд Монголын "The MongolZ" багийг оролцохгүй боломжгүй болсныг мэдэгджээ. Харин тэднийг орлож, "Liquid" багийг урьсан аж. Монголын багийн оролцох боломжгүй болсон шалтгаан нь виз мэдүүлэх хугацаа давчуу байгаа аж.

"The MongolZ"-ийн мэдэгдэлд "BLAST Open London 2025 тэмцээний тухай залруулах нь: Тус тэмцээнд бид оролцохгүй болсон шалтгаан нь ‘Виз татгалзсан’ хариу ирснээс болсон гэх ташаа мэдээлэл яваад байгаа билээ. Багийн энэ улирлын тэмцээнүүдийн шахуу хуваарьтай холбоотойгоор виз мэдүүлэх боломжгүй нөхцөл байдал үүссэний улмаас тус тэмцээнийг өнжих болсон гэдгийг залруулж хэлэх нь зүйтэй байх. Биднийг үргэлж дэмждэгт баярлалаа, дараагийн тэмцээнээр уулзацгаая" гэжээ.