Цахим спортын "CS2" төрлийн "BLAST Bounty"-ийн намрын тэмцээний хаалттай сонгон шалгаруулалт эхэлсэн. Нийт 32 баг онлайнаар хаалттай сонгон шалгаруулалтад өрсөлдсөн бөгөөд үүнээс найм нь Мальтад очиж, финалд өрсөлдөх учиртай юм.

Монголын "The MongolZ" баг одоогоор Сербид байрлаж, бэлтгэл сургуулилалтаа хийж байна. Тэд тус улсаас "BLAST Bounty" тэмцээнд өрсөлдөж, өчигдөр/2025.08.10/ Бразилын "paiN" багийг 2-0 гэсэн харьцаатай хожсоноор финалын шатанд шалгарлаа.

Бразилын багийн эсрэг М.Содбаяр "Techno" гайхалтай тоглож, багаа хожилд хөтлөв. Түүний хувьд энэ жилийн хамгийн өндөр үзүүлэлттэй тоглолтоо "BLAST Bounty"-д үзүүлж байгаа аж.

BLAST Bounty"-ийн намрын тэмцээний финалын шат наймдугаар сарын 14-нд Газар дундын тэнгисийн төвд орших Мальта улсад эхэлнэ. Тэмцээний нийт шагналын сан 480 мянган ам.доллар юм