Завхай аймгийн Онцгой байдлын газарт наймдугаар сарын 9-ний өдрийн 19:00 цагт Баянхайрхан сумын Төөнт багийн “Хамар даваа” гэдэг газар ой хээрийн түймэр гарсан тухай мэдээлэл иржээ. Түймрийг унтраахаар Завхан аймгийн Онцгой байдлын газрын Гал түймэр унтраах, аврах 43, 39, 57 дугаар анги, Сонгино сум дахь Эрэн хайх, аврах бүлэг нийт 43 алба хаагч, Баянхайрхан сумын Ерөнхий зориулалтын мэргэжлийн ангийн 80 ажилтан өнөөдрийг хүртэл ажиллаж байна. Баянхайрхан, Асгат, Түдэвтэй, Тэс, Нөмрөг, Баянтэс сумдаас нэмэлтээр 90 иргэнийг дайчлан нийт 200 гаруй хүний бүрэлдэхүүнтэй баг гурав дахь өдрөө ажиллаж байна. Гал түймрийн эсрэг тэмцэл үргэлжилж байгаа тул иргэд та бүхэн ой, хээрт зорчихдоо гал түймрийн аюулгүй байдлыг чанд мөрдөж, ой, хээрийн түймэр гаргахаас сэргийлнэ үү.