Африкийн баруун эргээс холгүй орших Кабо Верде Сан Висенте болон Санто Антао арлуудад үер болсны улмаас 9 хүн амиа алдаж, 1.500 орчим хүн орон гэргүй болжээ. Ийнхүү тус газруудад онц байдал зарлаад байна.

Өнгөрсөн даваа гарагт болсон шар усны үерийг халуун орноор дайран гарсан шуурга өдөөснөөр урсгал ширүүсэж, ердөө таван цагийн дотор 193 мм бороо орсон нь Сан Висентед ордог борооны жилийн дунджаас хол илүү давсан гэж шинжээчид мэдэгдлээ.

Яг одоог аврах багийнхан сураггүй алга болсон хүмүүсийг эрэн хайх ажиллагааг эрчимтэй явуулж байгаа бөгөөд орон сууц, зам талбай, машинууд эвдэрч, ихээхэн хохирол учиржээ.

Тус улсын цаг уурын хүрээлэнгийн ажилтай Эстер Брито “Энэ бол тун ховор тохиолдол. Сүүлийн 30 жилийн дунджаас дээгүүр их ус үерлэж, бороо орлоо” гэжээ.