2025-2026 оны хичээлийн шинэ жилээс эхлэн сурагчид өөрийн суралцаж буй сургуулиас үл хамааран хиймэл оюуны боловсрол эзэмших боломжтой боллоо.
“AI academy Asia”-с “Хиймэл оюуны үндэсний аян”-ыг санаачилж, НҮБ-ын Хүүхдийн сангийн дэмжлэгтэйгээр хиймэл оюуны боловсролыг үндэсний хэмжээнд түгээн дэлгэрүүлэх 450 багшийг Монгол Улсын 21 аймаг, 9 дүүргээс сонгон шалгаруулж, зуны гурван сарын туршид бэлджээ. Сургалтад хамрагдсан багш нар наймдугаар сарын 22-23-нд Улаанбаатар хотод танхимын сургалтад оролцож, сурсан мэдлэгээ хэрэгжүүлэх стратеги, хичээлээ илүү сонирхолтой, сурагчдын идэвхийг нэмэгдүүлэх арга замаа хуваалцах юм.
Энэхүү хөтөлбөрийн үр дүнд хичээлийн шинэ жилээс эхлэн 10,000 гаруй сурагч технологийн хэрэглэгч бус, ирээдүйн бүтээгч, асуудал шийдвэрлэгч болон төлөвших ур чадварыг эзэмшинэ. Энэ нь боловсролын чанар, хүртээмжийг шинэ шатанд гаргах томоохон хөрөнгө оруулалт болж байна.
