Иранаас албан гаргасан афганистан цагаачдыг тээвэрлэж явсан автобус осолдсоны улмаас 73 хүн, тэр дундаа 17 хүүхэд амиа алджээ. Өчигдөр Афганистаны Герат мужид зорчигчид тээвэрлэж явсан уг автобус мотоцикльтой мөргөлдсөний улмаас гал гарч, улмаар бүх зорчигч үрэгдсэн аж.

Иран Улс сүүлийн саруудад бичиг баримтгүй афганистан цагаачдыг олноор нь албадан гаргаж байгаа юм. НҮБ-ын мэдээлснээр, зөвхөн он гарснаас хойш л гэхэд  1.5 сая гаруй афганыг Иранаас гаргажээ. Үүний зэрэгцээ эргэн ирсэн иргэдийг хүлээн авах, суурьшуулах нөхцөл муу тул Афганистанд ч энэ үйл явц чамгүй дарамт болж байгааг эх сурвалжууд онцолж буй. 

Афганистанд олон жил үргэлжилсэн дайны улмаас дэд бүтэц хөгжөөгүй, зам муу тул ийм аваар олон бөгөөд Гератад гарсан энэхүү эмгэнэлт осол жолооч хурд хэтрүүлснээс үүдсэн гэж цагдаагийнхан мэдэгдээд байгаа юм. 

Эх сурвалж: BBC