“Буудлагын аварга” шалгаруулах тэмцээн боллоо

Монгол Улсын Ерөнхийлөгч, Зэвсэгт хүчний Ерөнхий командлагчаас энэ оныг “Ахлах офицер”-ын жил болгон зарласантай холбогдуулан цагдаа, дотоодын цэргийн байгууллагын ахлах офицеруудын дунд “Буудлагын аварга” шалгаруулах тэмцээнийг /2025.08.21/ Нарстай дахь Хээрийн сургалтын төвийн талбайд зохион байгууллаа.

Ахлах офицеруудын манлайллыг нэмэгдүүлэх, алба хаагчдын галт зэвсэг хэрэглэх, галт зэвсэгтэй аюулгүй харьцах дадал, ур чадвар, мэдлэгийг нэмэгдүүлэх зорилготой уг тэмцээнд алба, нэгж, газар, хэлтсийн 29 багийн 87 алба хаагч хурд хүч, цэц мэргэнээ сорин өрсөлдөв.

Тэмцээн Карабин, гар буу, мэргэн буудагчийн болон багийн төрөлд зохион байгуулагдаж, аваргаа тодруулсан юм.

Тэмцээний “Гар буу”-ны төрлийн “Тэргүүн байр”-т цагдаагийн хурандаа Ц.Дашдэмбэрэл, “Дэд байр”-т цагдаагийн дэд хурандаа Д.Гантөмөр, “Гутгаар байр”-т цагдаагийн дэд хурандаа А.Лхамсүрэн;Мэргэн буудагчийн төрлийн “Тэргүүн байр”-т цагдаагийн хошууч Э.Дугар, “Дэд байр”-т цагдаагийн хошууч П.Цагааннохой, “Гутгаар байр”-т цагдаагийн хошууч Ш.Алтанбагана;

“Карабин”-ы төрлийн “Тэргүүн байр”-т хошууч Т.Анхбаяр, “Дэд байр”-т цагдаагийн хошууч Ч.Батцэнгэл, “Гутгаар байр”-т хурандаа Ж.Мөнхсолонго нар тус тус шалгарав.Багийн дүнгээр “Тэргүүн байр”-т Эрүүгийн цагдаагийн алба, “Дэд байр”-т Дотоодын цэргийн 809 дүгээр анги, “Гутгаар байр”-т Цагдаа, дотоодын цэргийн Сургалтын нэгдсэн төв шалгарлаа.Тэмцээнд амжилттай оролцсон нийт баг, тамирчдадаа баяр хүргэж, цаашдын ажилд нь амжилт хүсье.