Ардчилсан намын ҮБХ-ны ээлжит бус хурал өчигдөр /2025.08.28/ эхэлж, намын дарга Лу.Гантөмөрийн огцрох өргөдлийн хүлээн авч, АН-ын даргад нэр дэвшигчдийг бүртгэх Дотоод сонгуулийн хороог байгуулсан билээ.

Улмаар өнөөдөр 18.00 цаг хүртэл нэр дэвшигчдийг бүртгэж байгаа юм. Тэгвэл Үндэсний бодлогын хорооны ээлжит бус хурал маргааш /2025.08.30/ 09.00 цагаас Төрийн ордонд үргэлжлэхээр болжээ. Одоогийн байдлаар намын даргад нэр дэвшихээр УИХ-ын гишүүн О.Цогтгэрэл, Б.Пүрэвдорж нар албан ёсоор хүсэлтээ өгөөд байгаа бол тун удахгүй Ө.Шижир, Ж.Баярмаа нар хүсэлтээ өгөх юм.