БНСУ-ын Инчон хотод хайр дурлалын шавжны нүүдэл иргэдийн тав тухыг алдагдуулж эхэлжээ. Уг шавж нь үржилд орох дөхөөрөө чанга дуу чимээ гаргадаг байна.

Плециа неарктика (Plecia nearctica) хэмээх хайр дурлалын шавьж Инчоны бүс нутгийг нөмөрч, оршин суугчдын өдөр тутмын амьдралд ихээхэн хүндрэл учруулаад байгаа тул Солонгосын Засгийн газар яаралтай арга хэмжээ авч эхэлжээ.

Байгаль орчны яам баасан гарагт хийсэн мэдэгдэлдээ, халдварлалт хамгийн их байгаа Инчоны Гёяан уул руу 37 хүний бүрэлдэхүүнтэй яаралтай багийг илгээж, хортон шавьж устгах ажиллагаа явуулж эхэлсэн талаар мэдээлсэн байна.

Уг яаралтай баг нь Гёяан дүүргийн албаныхантай хамтран ажиллаж, нас бие гүйцсэн шавьжийг устгахын тулд агаараар үлээгч төхөөрөмж, шавьжны тор, ус шүршигч зэрэг тоног төхөөрөмж ашиглан цэвэрлэгээ хийжээ. Мөн үхсэн шавьжны үлдэгдэл муухай үнэр гаргаж байсан тул томоохон хэмжээний цэвэрлэгээ, хаягдлын устгалын ажил ч мөн давхар хийгдсэн байна.

Албан ёсны мэдэгдлүүдээр тэдгээр нь хоргүй гэж мэдэгдэж байгаа ч, халдварлалтын маш их хэмжээ, мөн шинжээчдийн үзэж байгаагаар энэ нь уур амьсгалын өөрчлөлттэй нягт холбоотой гэдэг нь олон нийтийн дунд тэдгээрийг хортон шавьж хэмээн үзэхэд хүргэж байна.

Иргэдийн мэдээлснээр, хайр дурлалын шавьжууд хувцас, тээврийн хэрэгсэл болон байшинд наалдаж, явган аяллын зам, нийтийн эзэмшлийн талбайг бүрхсэнээр гадаа үйл ажиллагаа эрхлэх боломжгүй, болгож эхэлсэн гэх гомдол гаргажээ

Сөүл хотын захиргааны мэдээллээс үзэхэд, хайр дурлалын шавьжтай холбоотой гомдол 2022 онд 4,418 байсан бол 2023 онд 5,600 болж өссөн ба 2024 онд 9,296 болж, 2022 оныхоос хоёр дахин ихэссэн байна. Энэ хандлага зогсох шинжгүй байгаа бөгөөд 2025 оны эхний хагаст аль хэдийн 4,695 гомдол бүртгэгдээд байна.