Монголын Боловсол шинжлэх ухааны үйлдвэрчний эвлэлийн холбоо, нийслэл, аймаг, дүүргийн багш нар хамтран жагсаал зохион байгуулж байна. Тэд багш нарын үндсэн цалинг 3.5 сая төгрөг болгох, нийгмийн баталгааг сайжруулах зэрэг шаардлага тавьж байгаа бөгөөд УИХ-ын дарга болон Ерөнхий сайдад шаардлага хүргүүлэх аж. 

Шаардлагыг хүлээж авч, шийдвэрлэхгүй бол дараа, дараагийн шатны тэмцэл хөдөлгөөнийг эхлүүлнэ гэдгийг Монголын боловсрол, шинжлэх ухааны үйлдвэрчний эвлэлийн холбооны дарга З.Цогтгэрэл мэдээлсэн юм. 

Багш нарын үндсэн цалинг 3.5 сая төгрөг болгон нэмэгдүүлэхэд 3.3 их наяд төгрөг шаардлагатай. Энэ хэмжээний төсвийг энэ жил шийдвэрлэх эдийн засгийн боломж хязгаарлагдмал гэдгийг салбарын сайд мэдэгдсэн юм.