ТЕХАСТ 700 ХҮҮХЭДТЭЙ ОХИДЫН ЗУСЛАН ҮЕРТ АВТЛАА
Төрөл
Нийгэм
Нийтлэгдсэн
2025-07-06
Нийтлэлийг
Cherrynews
ТЕХАСТ 700 ХҮҮХЭДТЭЙ ОХИДЫН ЗУСЛАН ҮЕРТ АВТАЖ ХҮҮХДҮҮДЭЭ АВРАХ ГЭСЭН БАГШ НАР БОЛОН ОЛОН БАГА НАСНЫ ОХИН АМЬ НАСАА АЛДЛАА.
"Зуслангийн гадна олон зуун ээж аавууд цуглан хүүхдээ хайж, ядаж цогцсыг нь олох гэсэн эмгэнэлтэй дүр зураг бий болоод байна"
Техасын Гуадалупе нэртэй голын дэргэд христийн сургалттай "Camp Mystic" охидын зуслан үерт автжээ.
Нэг шөнийн дотор орсон их хэмжээний борооны улмаас голын усны түвшин 8-8.5 метр буюу 2 давхар байшинг давах хүртэл ихэсжээ.
Зарим гэрчийн хэлж байгаагаар охид усанд урсах үеэр зуслангийн захирал Жэйн Рагсдале болон бусад багш нар хүүхдүүдээ аврахаар үсэрцгээсэн. Харамсалтай нь тэд ч мөн амь насаа алдаж аврагчид цогцсыг нь олжээ.
Үерийн голомт охидын зуслангаас гадна ойр орчмын айлуудыг урсгасан. Үүний улмаас одоогоор 50 гаруй хүн амь насаа алдсаны 29 нь зуслангийн хүүхдүүд байгаа юм.
Ор сураггүй алга болсон охидыг хайхаар 160 гаруй нисдэг тэрэг, 1000 орчим аврагч ослын газар ажиллаж байна.
Camp Mystic зуслан нь 1926 онд байгуулагдсан. Энэ жил 700 орчим хүүхэд амарч байжээ. Зарим хүүхдийн цогцсыг нь олж зургийг нь нийтлээд байна.
Ерөнхийлөгч Трамп алга болсон хүүхдүүдийг олох хүртэл АНУ бүх хүчээ дайчилна, орон нутгийн удирдлагууд ур чадвараа дээд зэргээр гаргахыг сануулаад байна.
Хуваалцах:
Сэтгэгдэл үлдээх
Сэтгэгдэл (0)
Одоогоор сэтгэгдэл байхгүй байна. Та эхний сэтгэгдлээ үлдээгээрэй!
