Монголын хоккейн холбооны шинэ улирлын эхний тэмцээн болох 2025-2026 оны лигийн аварга шалгаруулах тэмцээний нэгдүгээр тойргийн эхний өдрийн  тоглолт Чингэлтэй дүүргийн БТСГ-ын мөсөн талбайд боллоо.

Лигийн тэмцээн "Степпе-Монстерс" баг, "Дархан" багуудын тоглолтоор эхлэв. “Степпе-Монстерс” баг, “Дархан” багуудын тоглолт 12:3-ын харьцаагаар өндөрлөж “Степпе-Монстерс” баг тойргийн эхний хожлоо авлаа.  

Хоёр дахь тоглолт “Багануур” болон “Хангарьд” багуудын хооронд болж үндсэн цагт 5:5-ын харьцаагаар тэнцэж, нэмэлт цагийн хоёр дахь минутад "Хангарьд" багийн 19 дугаартай ОУХМ П. Батзаяагийн довтолгоо амжилттай болж өөрийн багтаа 1 оноо авснаар тойргийн эхний хожил, багтаа хоёр оноо авчирлаа.

Харин "Багануур" баг нэг оноог авч үлдлээ. Өнөөдөр “Багануур”, “Шарын гол”  13:00 цагаас “Степпе-Монстерс”, ”Хангарьд” багуудын тоглолт тус тус болно.