Арилжааны банкууд ахмад настнуудад тэтгэврийн зээлийг ямар нэгэн хязгаарлалтгүй, хуучин журмаар олгож эхэлсэн. Гэвч зарим арилжааны банкууд баяр наадмын өмнөх хоёр хоногт буюу 2025 оны долдугаар сарын 9, 10-ны өдрүүдэд зээлийг 100 хувиар, 24 сараар олгоно гэж мэдэгджээ. 

Тэтгэврийн зээл нь цалин барьцаалсан хэрэглээний зээлтэй адил гэж үзэж Мөнгөний бодлогын зөвлөл  бодлогын хүүг 12 хувьд хэвээр хадгалах, тэтгэврийн зээлд тавих өр, орлогын харьцааг 50 хувь байхаар шийдвэрлэсэн.

Тэтгэвэр барьцаалсан зээл авахад нийт тэтгэврийнхээ 50 хувийг зээлэнд, үлдсэн 50 хувь нь амьжиргаагаа залгуулах эх үүсвэр болж үлдэхээр шийдвэрлэсэн байсан. Тэгвэл 2025.07.07-ны өдөр Мөнгөний бодлогын хороо хуралдаж банкнаас олгох тэтгэвэр, тэтгэмжийн орлого барьцаалсан зээлийн хувьд гаргасан 2025 оны гуравдугаар сарын 7-ны өдрийн, зургадугаар сарын 13-ны өдрийн шийдвэрийг хүчингүй болгож, хуучин нөхцөлд нь хэвээр үлдээсэн талаар албаныхан мэдээлсэн юм.