Монгол улсад Авто тээврийн салбар үүсэж хөгжсөний түүхт 100 жилийн ойн баяр наадмын арга хэмжээ өнөөдөр эхэллээ. Түүхт тэгш ойг тохиолдуулан автомашин сонирхогчидод болон иргэдэд ховор,хуучин машинуудын үзэсгэлэнг Сүхбаатарын талбайд дэлгэжээ. Цуглуулгад Зам тээвэр, аж үйлдвэр, газар тариалангийн бүтээн байгуулалтыг эхлүүлэхэд ашиглаж байсан хуучны автомашин, техник хэрэгслийг олонд үзүүлж, баярын арга хэмжээг нээж байна.

Эх орныхоо хөгжил дэвшилтэд үнэтэй хувь нэмэр оруулж байсан дахин давтагдашгүй загвар хийцтэй автомашиныг олон түмэнд үзүүлж байна. 

Монгол Улсад Автотээврийн салбар үүсч хөгжсөний 100 жилийн ойн баярын хурал өнөөдөр Төрийн ордны “Их Монгол” танхим болно. Мөн баярын арга хэмжээний наадам маргааш Хүй долоо худагт хүчит бөхийн барилдаан, сурын харваа, наадмын хаалтын шоу тоглолтоор үргэлжилнэ.