Баян-Өлгий аймгийн Ногооннуур сум 1 дүгээр багт "Хоёр гэр шатаж байна" гэсэн дуудлагыг 2026.06.11-ний өдрийн 16:40 цагт онцгой байдлын байгууллага хүлээн авчээ.

Тус аймгийн Онцгой байдлын газрын 31 дүгээр ангийн алба хаагчдыг очиход иргэн Т-ын 4 болон 6 ханатай 2 гэр шатаж байсныг ажиллаж унтраасан байна.

Түүнээс гадна Төв аймгийн Батсүмбэр сум Мандал багийн Уйлант "гэр шатаж байна" гэсэн дуудлагыг 2026.06.11-ний өдрийн 18:30 цагт мөн хүлээн авчээ. Тус аймгийн Онцгой байдлын газрын Батсүмбэр сум дахь 84 дүгээр ангийн алба хаагчдыг очиход иргэн Г-ын 5 ханатай гэр, эд хогшил, 4х7 метрийн хэмжээтэй байшингийн үүдний хэсэг шатаж байсныг ажиллаж унтраажээ. 

Ахуйн түймэр гарсаар байгаа тул иргэн, өрх бүр сэрэмжтэй байхыг анхааруулж байна