Үндэсний их баяр наадмын бөхийн барилдаанд дөрөв, түүнээс дээш давсан 32 бөхөөс авсан шинжилгээг энэ сарын 13-ны өглөө Герман улсын Дрезден хотын лаборатори руу шинжлүүлэхээр явуулсан байна. Ингээд долдугаар сарын 16-ны 15:00 цагт албан ёсны цахим хуудсаар нийт 48 тамирчны шинжилгээний хариу ирэх ёстойгоос 43 тамирчны хариу ирсэн.

Харин долдугаар сарын 18-ны өдөр гурван тамирчны хариу ирсэн бол долдугаар 22-ны өдөр нэг тамирчны хариу ирж, нэг хүний шинжилгээ дуусаагүй байна гэсэн имэйл ирсэн тухай Монголын допингийн эсрэг байгууллагаас мэдээлэв. Харин хоёр тамирчнаас хориотой дөрвөн зөрчил илэрсэн бол нэг тамирчны хариу эргэлзээтэй байгаа аж. Тодруулбал, допинг илэрсэн хоёр бөхийн нэг нь Хэнтий аймгийн арслан Н.Баяржаргал аж. Харин нөгөө тамирчинтай холбогдож чадаагүй, өөрт нь шинжилгээний хариуг мэдээлээгүй байгаа тул олон нийтэд дэлгэх боломжгүй гэлээ. Н.Баяржаргалын хувьд хотод ирмэгц үр дүнгийн удирдлагын багтай уулзаж, албан ёсны тайлбараа өгнө хэмээн мэдэгдсэн байна. Улсын гарьд Б.Гончигдамбын хариу эргэлзээтэй гарсан ч хариу эцэслэн ирээгүй байгааг мөн хэллээ.

Шинжилгээний хариуг нь Германы Кёлын хот руу нарийвчлан шинжүүлэхээр явуулсан байгаа. Нарийвчилсан шинжилгээний хариу гурваас дөрвөн долоо хоногийн дараа гарна. Өөрт нь хариуг нь танилцуулсан учир нэрийг нь зарлаж байна" гэв.