Өндөр гэгээний даншиг наадамд  Э.Батмагнай түрүүллээ

Өндөр гэгээний даншиг наадамд Э.Батмагнай түрүүллээ

Төрөл
Нийгэм
Нийтлэгдсэн
2025-07-27
Нийтлэлийг
Cherrynews

Өвөрхангай аймгийн Арвайхээр болон Өндөр Гэгээний мэндэлсэн Есөнзүйл суманд Анхдугаар Богд Занабазарын мэндэлсний 390 жилийн ойд зориулсан Даншиг наадам болж өндөрлөлөө. Тус наадам нь энэ сарын 25-27-ны өдрүүдэд зохион байгуулагдсан ба шашин, түүх, соёлыг хослуулсан чухал арга хэмжээ боллоо. Наадмын хүрээнд:

  • Бурхан шашны ном хурах ёслол;
  • Цамын бүжиг;
  • “Гэгээрэл ганданд очихуй” нэртэй соёлын парад;
  • Монгол бичиг, уран зураг, барималын үзэсгэлэн;
  • Үндэсний бөх, сур, шагайн харваа;
  • Ардын урлаг, язгуур соёлын тоглолтууд зэрэг олон арга хэмжээ зохиогдсон юм.

Анхдугаар богд Занабазарын мэлмий гийсний 390 жилийн ой, Өндөр гэгээн даншиг наадмын хүчит 512 бөхийн барилдаанд улсын арслан Э.Батмагнай ес даван түрүүлж, улсын арслан Б.Орхонбаяр үзүүрлэв.

Улсын их баяр наадмын дараа болж буй өндөр цолтой бөхчүүдийн барилдаанд улсын аварга О.Хангай, улсын арслан Ц.Содномдорж, Б.Орхонбаяр, Э.Оюунболд, Ц.Бямба-Отгон, Р.Пүрэвдагва, Э.Батмагнай, улсын заан Б.Пүрэвсайхан, Н.Жаргалбаяр, Б.Бат-Өлзий, Д.Баасандорж зэрэг улс, аймгийн алдарт цолтой хүчит бөхчүүд барилдлаа.

Барилдааны их шөвөгт улсын арслан Б.Орхонбаяр улсын аварга О.Хангайгаар, улсын арслан Э.Батмагнай улсын заан Б.Бат-Өлзийг давж түрүү булаалдахаар үлдсэн юм. Улсын их баяр наадмаас хойш болж буй том наадамд улсын заан Б.Бат-Өлзий түрүүлж, 14 хоногийн дотор 512 бөхийн барилдаанд хоёр дахь удаагаа түрүүлээ.

ДОЛООГИЙН ДАВАА:

Улсын аварга О.Хангай - Улсын арслан Ц.Содномдорж

Улсын арслан Б.Орхонбаяр – Улсын арслан Ц.Бямба-Отгон

Улсын арслан Э.Батмагнай – Улсын харцага О.Наранбаатар

Улсын заан Б.Бат-Өлзий – Улсын заан М.Лхагвагэрэл

НАЙМЫН ДАВАА:

Улсын аварга О.Хангай - Улсын арслан Б.Орхонбаяр

Улсын арслан Э.Батмагнай - Улсын заан Б.Бат-Өлзий

ЕСИЙН ДАВАА:

Улсын арслан Э.Батмагнай – Улсын арслан Б.Орхонбаяр

Нүүр хэсэг А2
Хуваалцах:
Сэтгэгдэл үлдээх
0/350 тэмдэгт

Сэтгэгдэл (0)

Одоогоор сэтгэгдэл байхгүй байна. Та эхний сэтгэгдлээ үлдээгээрэй!

News Icon

Ижил төстэй мэдээнүүд

Утасны дугаараа бүртгүүлээд
хэрэгтэй мэдээллээ аваарай

Бид таны утасны дугаарыг зөвхөн таны хүссэн контентын мэдэгдэл илгээхэд ашиглана. Бүртгүүлснээр та Cherry News-ийн хамгийн сүүлийн үеийн мэдээ, мэдээлэл, подкаст, видео контентуудыг шууд утсаараа хүлээн авах боломжтой болно.