
"The Mongolz" багийн дараагийн өрсөлдөгч нь “Vitality” байх магадлал байна
Германы Кёльн хотод зохион байгуулагдаж буй "IEM Cologne 2025" олон улсын тэмцээнд урилгаар хоёрдугаар шатнаас оролцож буй “The MongolZ” баг өнгөрсөн шөнө “Falcons” багийг 2-0 харьцаатай ялж, плей-оффын шатныхаа эрхийг авсан хамгийн эхний баг боллоо.
Тэд дараагийн тоглолтоо мягмар гарагийн орой хийх ба хэсгээсээ нэгээр гарах эрхийн төлөөх шийдвэрлэх тулаан байх бөгөөд "Vitality" болон "G2" багуудын аль ялсантай нь өрсөлдөх юм.
Олон улсын дэвжээнд амжилттай өрсөлдөж буй манай багийн дараагийн өрсөлдөгч нь “Vitality” байх магадлал өндөр байна. Тус баг нь дэлхийн шилдэг CS2 багуудын нэг бөгөөд хүчтэй өрсөлдөгч гэдгээрээ танигдсан. Хэрэв “The MongolZ” тэдэнтэй таарч ялалт байгуулж чадвал зөвхөн плей-оффт шалгарахаас гадна хэсгээсээ нэгээр гарна.

Хуваалцах:
Сэтгэгдэл (0)
Одоогоор сэтгэгдэл байхгүй байна. Та эхний сэтгэгдлээ үлдээгээрэй!