1978 оны 12-р сард Охайо мужийн Афины галзуугийн эмнэлэгт өвчтөн Маргарет Шиллинг ул мөргүй алга болжээ...

Сэтгэцийн хурц өвчтэй гэж оношлогдсон түүнийг хамгийн сүүлд эмнэлгийн огт ашиглагддагүй битүүмж бүхий өрөө рүү зөөлөн, зөөлөн алхсаар орж байхыг бусад өвчтөнүүд харсан байна.

Олон жилийн турш түүнийг олдоогүй тул ажилчид уг эмэгтэйг сэтгэц мэдрэлийн эмнэлэгээс оргон зугтсан эсвэл labyrinthine гэх үзэгдэл болох цогцолборын хаа нэгтээ төөрсөн , улмаар ой мод руу орж чоно нохойн зоог болсон гэж таамаглажээ. Хэдийгээр маш их хайж тэр нь ч хэдэн долоо хоног ор сураггүй байсан тул түүний үхлийн архивыг үйлдэхийн тулд тухайн зун нь дахин хайлт хийхээр болжээ... 

1979 оны зун нь буюу 8-р сарын дундуур засварчид цоожтой өрөө бүрийн цоожийг сэргээн засварлаж байх зуураа хаягдаж мартагдсан өрөөний цоожийг солихоор оролдож байхдаа илжирсэн үнэр үнэртэхийг анзаарчээ... .

Засварчин эр хаалгаа нээхэд, муухай үнэр угтан авахуйд өрөөний буланд хөдөлгөөнгүй хэвтэж байсан Маргаретын бие нь байх ба аль хэдийн задралын байдалд орсон байв....

Энэ эмнэлэгт хэн нэгэн галзуу хүн үхэж үрэгдэж байх нь энгийн үзэгдэл авч ажилчдыг цочирдуулсан зүйл нь түүний үлдээсэн зүйл болох бетон шалан дээрх хүний хэлбэртэй толбо байв. Толбо нь хэлбэр нь алдаагүй байсан бөгөөд толгой, гар, нуруу хийгээд бүгд л яг саяхан бороон дунд туучаад шалба норсон хүний дүрс шиг тов тодхон дардас болон хадгалагдаж үлдсэнд байв.

Шалыг одоог хүртэл цэвэрлэн зүлгэж, хатуу хүнд химийн хорт бодис ашиглаад ч ... тэр бүү хэл дээрээс нь дахин будах оролдлого хийсэн боловч толбо нь араас нь гарч ирсэн хэвээр үлджээ. Хүйтэн, чийгтэй нөхцөлд хүний бие задралын үед адипоцере хэмээх бодис үүсгэдэг болохыг эрдэмтэд хожим тайлбарлажээ.

Энэ бодис нь химийн аргаар бетон шиг сийрэг материалтай нягт холбогдож үүнтэй ойролцоо тэмдэг үүсгэдэг байна Өдгөө энэ толбийг “Маргарет Счиллингийн толбо” хэмээн алдаршсан ба уг газрын нэгэн домог болон хоцоржээ.

Зарим нь хоосон коридорт хүн өөртэйгөө шивнэн ярих нь сонсогддог гэсэг бол зарим нь түүний сүнсийг цементэн шалан дээр газар доошоо шингэхийг харсан гэж баталдаг. Хожим нь 2009 онд тус өрөөнд байрлуулсан камерийн бичлэгийг "YouTube" сувагт нийтлэж байсан нь сүнс гэж байдаг тухай ойлголтыг бүрэн өөрчилсөн явдал болж байсан түүхтэй... 

Бичлэг дээр нэгэн эмэгтэй огт яаралгүй зөөлөн зөөлөн алхсаар яг тэр цэгт хэвтэж байгаа нь тодхон харагддаг ... Дууний децибилийг өсгөхөөр уг бүсгүй дуу аялан яваа нь чулуун ханан дунд цуурайтах мэт сонсогддог байна.